mushkilon ki yahi hain baDi mushkilen

mushkiloñ kī yahī haiñ baḌī mushkileñ

aap jab chāheñ kam hoñ tabhī ye baḌheñ

ab koī dūsrā rāsta hī nahīñ

yaad tujh ko kareñ aur zinda raheñ

bas isī soch se jhuuT qaa.em rahā

bol kar sach bhalā ham bure kyuuñ baneñ

Dāliyoñ pe phudakne se jo mil ga.ī

us ḳhushī ke liye kyuuñ falak par uḌeñ

ham darinde nahīñ gar haiñ insān to

aa.ina dekhne se batā kyuuñ Dareñ

zindagī ḳhūb-sūrat bane is tarah

ham kaheñ tum suno tum kaho ham suneñ

aa ke haule se chhū leñ vo hoñThoñ se gar

to surīlī murliyā se 'nīraj' bajeñ

mushkilon ki yahi hain baDi mushkilen

aap jab chahen kam hon tabhi ye baDhen

ab koi dusra rasta hi nahin

yaad tujh ko karen aur zinda rahen

bas isi soch se jhuT qaem raha

bol kar sach bhala hum bure kyun banen

Daliyon pe phudakne se jo mil gai

us KHushi ke liye kyun falak par uDen

hum darinde nahin gar hain insan to

aaina dekhne se bata kyun Daren

zindagi KHub-surat bane is tarah

hum kahen tum suno tum kaho hum sunen

aa ke haule se chhu len wo honThon se gar

to surili murliya se 'niraj' bajen