musibat mein zamin bhi kam nahin hai

musībat meñ zamīñ bhī kam nahīñ hai

so bechainī kahīñ bhī kam nahīñ hai

tumhāre dil meñ kyā hai kuchh to bolo

tumhārā kuchh nahīñ'' bhī kam nahīñ hai

nahīñ jhuktā kisī ke ḳhauf se dil

ye nannhī sī jabīñ bhī kam nahīñ hai

mashām-e-jāñ mo.attar aur dil bhī

tirī ḳhushbū kahīñ bhī kam nahīñ hai

agarche be-yaqīnī bhī hai thoḌī

use mujh par yaqīñ bhī kam nahīñ hai

tumheñ hai ḳhauf atom bam kā itnā

ye āh-e-ātishīñ bhī kam nahīñ hai

chalo kah do ki hai mujh se mohabbat

nahīñ hai tū nahīñ bhī kam nahīñ hai

sitam sah kar bhī dil rahtā hai 'rāġhib'

ki vo zālim hasīñ bhī kam nahīñ hai

musibat mein zamin bhi kam nahin hai

so bechaini kahin bhi kam nahin hai

tumhaare dil mein kya hai kuchh to bolo

tumhaara kuchh nahin bhi kam nahin hai

nahin jhukta kisi ke KHauf se dil

ye nannhi si jabin bhi kam nahin hai

masham-e-jaan moattar aur dil bhi

teri KHushbu kahin bhi kam nahin hai

agarche be-yaqini bhi hai thoDi

use mujh par yaqin bhi kam nahin hai

tumhein hai KHauf atom bam ka itna

ye aah-e-atishin bhi kam nahin hai

chalo kah do ki hai mujh se mohabbat

nahin hai tu nahin bhi kam nahin hai

sitam sah kar bhi dil rahta hai 'raghib'

ki wo zalim hasin bhi kam nahin hai