muskuraega magar baat nahin manega

muskurā.egā magar baat nahīñ mānegā

dekh lo kar ke mulāqāt nahīñ mānegā

aap se māñgegā har shai kī dalīl-e-mohkam

ye fasāne ye rivāyāt nahīñ mānegā

qaul de degā to jaañ de ke nibhā.egā use

chāhe kaise bhī hoñ hālāt nahīñ mānegā

pesh karne meñ jise jazba-e-iḳhlās na ho

aise tohfe ko vo sauġhāt nahīñ mānegā

abr sahrā pe barastā hai to barse jam kar

chand būñdoñ ko vo barsāt nahīñ mānegā

yuuñ to ikrām karegā vo sabhī kā lekin

sab ko minjumla-e-sādāt nahīñ mānegā

us se rūdād-e-ġham-e-dil maiñ kahūñ kaise 'tufail'

jab yaqīñ hai ki vo bad-zāt nahīñ mānegā

muskuraega magar baat nahin manega

dekh lo kar ke mulaqat nahin manega

aap se mangega har shai ki dalil-e-mohkam

ye fasane ye riwayat nahin manega

qaul de dega to jaan de ke nibhaega use

chahe kaise bhi hon haalat nahin manega

pesh karne mein jise jazba-e-iKHlas na ho

aise tohfe ko wo saughat nahin manega

abr sahra pe barasta hai to barse jam kar

chand bundon ko wo barsat nahin manega

yun to ikram karega wo sabhi ka lekin

sab ko minjumla-e-sadat nahin manega

us se rudad-e-gham-e-dil main kahun kaise 'tufail'

jab yaqin hai ki wo bad-zat nahin manega