muskurahaT hi sada milti KHata ke samne

muskurāhaT hī sadā miltī ḳhatā ke sāmne

saarī duniyā chhoTī hai maañ kī duā ke sāmne

chhat nahīñ miltī hai jin ko ek ūñchā.ī ke baad

gir bhī jaatī haiñ vo dīvāreñ havā ke sāmne

sirf vo hī Dhak sakegā apnī ḳhuddārī kā sar

daulateñ pyārī nahīñ jis ko anā ke sāmne

jin kī dahshat se sitam se jal rahā saarā jahāñ

vo bhalā kyā muñh dikhā.eñge ḳhudā ke sāmne

āsmāñ sī soch ho aur baat ho Thahrī huī

phir ġhazal manzūr hotī hai duā ke sāmne

tere hoñToñ se jo sun luuñ ishq meñ Duubī ġhazal

ye ināyat hai baḌī merī vafā ke sāmne

kis liye tum kholte ho mere marazoñ kī kitāb

naam us kā hī likhā hai har davā ke sāmne

har jagah maujūd rahtī jiine kī sūrat koī

aadmī kā bas nahīñ chaltā qazā ke sāmne

muskurahaT hi sada milti KHata ke samne

sari duniya chhoTi hai man ki dua ke samne

chhat nahin milti hai jin ko ek unchai ke baad

gir bhi jati hain wo diwaren hawa ke samne

sirf wo hi Dhak sakega apni KHuddari ka sar

daulaten pyari nahin jis ko ana ke samne

jin ki dahshat se sitam se jal raha sara jahan

wo bhala kya munh dikhaenge KHuda ke samne

aasman si soch ho aur baat ho Thahri hui

phir ghazal manzur hoti hai dua ke samne

tere honTon se jo sun lun ishq mein Dubi ghazal

ye inayat hai baDi meri wafa ke samne

kis liye tum kholte ho mere marazon ki kitab

nam us ka hi likha hai har dawa ke samne

har jagah maujud rahti jine ki surat koi

aadmi ka bas nahin chalta qaza ke samne