mustaqbil ki sab dil-KHush-kun baaten KHwabon tak mahdud

mustaqbil kī sab dil-ḳhush-kun bāteñ ḳhvāboñ tak mahdūd

uns mohabbat mehr-o-vafā gar haiñ to kitāboñ tak mahdūd

sher-o-adab ko sarhad-varhad se kyā lenā denā hai

sher-o-adab kī duniyā kyoñ hai aaj nisāboñ tak mahdūd

kārobār-e-daroġh sharīfoñ ke aivānoñ tak pahuñchā

sach kī daulat ho kar rah ga.ī ḳhāna-ḳharāboñ tak mahdūd

istiġhnā se aab aatī hai ḳhuddārī ke chehre par

jhūTī anā kī haisiyyat kyā sirf hisāboñ tak mahdūd

'mīr'-o-'ġhālib' kā sarmāya aaheñ aañsū ḳhūn-e-jigar

dhan daulat shāhoñ kā hissa aish navāboñ tak mahdūd

apne haal hī gum dil vaale apnī khaal meñ mast 'naqīb'

is nashshe ko vo kyā jāneñ jo haiñ sharāboñ tak mahdūd

mustaqbil ki sab dil-KHush-kun baaten KHwabon tak mahdud

uns mohabbat mehr-o-wafa gar hain to kitabon tak mahdud

sher-o-adab ko sarhad-warhad se kya lena dena hai

sher-o-adab ki duniya kyon hai aaj nisabon tak mahdud

karobar-e-darogh sharifon ke aiwanon tak pahuncha

sach ki daulat ho kar rah gai KHana-KHarabon tak mahdud

istighna se aab aati hai KHuddari ke chehre par

jhuTi ana ki haisiyyat kya sirf hisabon tak mahdud

'mir'-o-'ghaalib' ka sarmaya aahen aansu KHun-e-jigar

dhan daulat shahon ka hissa aish nawabon tak mahdud

apne haal hi gum dil wale apni khaal mein mast 'naqib'

is nashshe ko wo kya jaanen jo hain sharabon tak mahdud