mustaqil ab bujha bujha sa hai

mustaqil ab bujhā bujhā sā hai

āḳhir is dil ko ye huā kyā hai

tum ko chāhā baḌā qusūr kiyā

tum hī batlā do ab sazā kyā hai

maañg luuñ un kā dil agar vo kaheñ

qatl kā tere ḳhūñ-bahā kyā hai

kyuuñ nafas meñ kabāb kī bū hai

mere siine meñ ye jalā kyā hai

mohr hai sabt qalb-e-vā.iz par

daaġh māthe pe bad-numā kyā hai

hazrat-e-dil haiñ kyuuñ udaas udaas

nā-ummīdī ne kuchh kahā kyā hai

kaafī ik lafz hai huzūr-e-ḳhudā

ye shab-o-roz iltijā kiyā hai

vahī māñgo ki ho du'ā maqbūl

yā'nī allāh chāhtā kyā hai

dekhiye ye kalām-e-mehdī meñ

fikr-e-insāñ kī intihā kyā hai

maiñ ne āñkhoñ se ashk poñchhe the

rang dāman pe laal sā kyā hai

zaat 'mehdī' kī phir ġhanīmat hai

gar vo achchhā nahīñ burā kyā hai

mustaqil ab bujha bujha sa hai

aaKHir is dil ko ye hua kya hai

tum ko chaha baDa qusur kiya

tum hi batla do ab saza kya hai

mang lun un ka dil agar wo kahen

qatl ka tere KHun-baha kya hai

kyun nafas mein kabab ki bu hai

mere sine mein ye jala kya hai

mohr hai sabt qalb-e-waiz par

dagh mathe pe bad-numa kya hai

hazrat-e-dil hain kyun udas udas

na-ummidi ne kuchh kaha kya hai

kafi ek lafz hai huzur-e-KHuda

ye shab-o-roz iltija kiya hai

wahi mango ki ho du'a maqbul

ya'ni allah chahta kya hai

dekhiye ye kalam-e-mehdi mein

fikr-e-insan ki intiha kya hai

main ne aankhon se ashk ponchhe the

rang daman pe lal sa kya hai

zat 'mehdi' ki phir ghanimat hai

gar wo achchha nahin bura kya hai