مطمئن ہوں میں اس خسارے پر
مطمئن ہوں میں اس خسارے پر
سب لٹایا ہے اپنے پیارے پر
کس نے رکنا ہے کس نے جانا ہے
منحصر ہے ترے اشارے پر
اس کنارے پہ میں اکیلا ہوں
کون ہے دوسرے کنارے پر
تو پلٹ کر کبھی تو آئے گا
جی رہے ہیں اسی سہارے پر
کس لیے بد گمان ہوتے ہو
نام لکھا ہے جب ستارے پر
وہ قفس تو کبھی کھلا ہی نہیں
ہم نے بے کار ہی سنوارے پر
آنسوؤں کے نشان زندہ رہے
ایک تصویر کے کنارے پر
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
