muTThiyon mein ret bhar li hai bataun kis tarah
muTThiyon mein ret bhar li hai bataun kis tarah
Mahtab Haider Naqvi
MORE BYMahtab Haider Naqvi
muTThiyoñ meñ ret bhar lī hai batā.ūñ kis tarah
raat din āb-e-ravāñ se muñh chhupā.ūñ kis tarah
raqs karte haiñ bagūle mere tere darmiyāñ
ret par dariyāoñ kā naqsha banā.ūñ kis tarah
vo udhar us paar ke manzar bulāte haiñ mujhe
raushnī ke shahr se pīchhā chhuḌā.ūñ kis tarah
yaad sab kuchh hai magar kuchh bhī nazar aatā nahīñ
putliyoñ meñ tere chehre ko chhupā.ūñ kis tarah
jab yahāñ is shahr meñ sab kuchh ḳhizāñ-āsār hai
be-dar-o-dīvār kā ik ghar banā.ūñ kis tarah
muTThiyon mein ret bhar li hai bataun kis tarah
raat din aab-e-rawan se munh chhupaun kis tarah
raqs karte hain bagule mere tere darmiyan
ret par dariyaon ka naqsha banaun kis tarah
wo udhar us par ke manzar bulate hain mujhe
raushni ke shahr se pichha chhuDaun kis tarah
yaad sab kuchh hai magar kuchh bhi nazar aata nahin
putliyon mein tere chehre ko chhupaun kis tarah
jab yahan is shahr mein sab kuchh KHizan-asar hai
be-dar-o-diwar ka ek ghar banaun kis tarah
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
