muztarib lahron se pahle aashna hone diya

muztarib lahroñ se pahle āshnā hone diyā

phir kahīñ maiñ ne use sāhil-zada hone diyā

uḌ rahā hai āñdhiy.oñ meñ barg-e-shāḳh-e-sabz bhī

kis ne mere dil ke mausam ko harā hone diyā

sang-zādoñ meñ bhī rah kar nāzukī baaqī rahī

maiñ ne us kī shaḳhsiyat ko aa.ina hone diyā

mere pīchhe thī kisī andhe muqallid kī tarah

apnī parchhā.īñ ko bhī ḳhud se judā hone diyā

khīñch lī pahle tamām us kī bisāt-e-dastaras

aur use phir apnī marzī kā ḳhudā hone diyā

ab ke 'raunaq' mujh meñ bhī taufīq-e-dil-jūī na thī

ek muddat tak mujhe us ne ḳhafā hone diyā

muztarib lahron se pahle aashna hone diya

phir kahin main ne use sahil-zada hone diya

uD raha hai aandhiyon mein barg-e-shaKH-e-sabz bhi

kis ne mere dil ke mausam ko hara hone diya

sang-zadon mein bhi rah kar nazuki baqi rahi

main ne us ki shaKHsiyat ko aaina hone diya

mere pichhe thi kisi andhe muqallid ki tarah

apni parchhain ko bhi KHud se juda hone diya

khinch li pahle tamam us ki bisat-e-dastaras

aur use phir apni marzi ka KHuda hone diya

ab ke 'raunaq' mujh mein bhi taufiq-e-dil-jui na thi

ek muddat tak mujhe us ne KHafa hone diya