muztarib ruh mein taskin ke saman aae

muztarib ruuh meñ taskīn ke sāmāñ aa.e

'umr meñ aise bhī lamhāt-e-farozāñ aa.e

sham'-e-ehsās-e-ḳhudī maiñ ne farozāñ kar lī

dil kī vaadī meñ hazār aane ko tūfāñ aa.e

dard baḌhtā hī gayā kuchh bhī ifāqa na huā

ġham-kadoñ meñ to bahut dard ke darmāñ aa.e

ātish-e-buġhz sulagtī hai yahāñ ghar ghar meñ

ab na bastī meñ koī vā'iz-e-nādāñ aa.e

maiñ navāzā gayā har vaqt bayābānoñ se

mere hisse meñ faqat ḳhvāb-e-gulistāñ aa.e

ḳhāna-e-dil meñ simaT aa.e haiñ chupke chupke

mas.ale kitne ba-andāz-e-ḳhirāmāñ aa.e

be-qarārī kā sitam ḳhatm huā hai jis par

phir tirī zad meñ na ai gardish-e-daurāñ aa.e

tum bhī 'betāb' zarā soch samajh kar jaanā

kūcha-e-'ishq se sab log hirāsāñ aa.e

muztarib ruh mein taskin ke saman aae

'umr mein aise bhi lamhat-e-farozan aae

sham'-e-ehsas-e-KHudi main ne farozan kar li

dil ki wadi mein hazar aane ko tufan aae

dard baDhta hi gaya kuchh bhi ifaqa na hua

gham-kadon mein to bahut dard ke darman aae

aatish-e-bughz sulagti hai yahan ghar ghar mein

ab na basti mein koi wa'iz-e-nadan aae

main nawaza gaya har waqt bayabanon se

mere hisse mein faqat KHwab-e-gulistan aae

KHana-e-dil mein simaT aae hain chupke chupke

masale kitne ba-andaz-e-KHiraman aae

be-qarari ka sitam KHatm hua hai jis par

phir teri zad mein na ai gardish-e-dauran aae

tum bhi 'betab' zara soch samajh kar jaana

kucha-e-'ishq se sab log hirasan aae