na aansuon mein kabhi tha na dil ki aah mein hai

na āñsuoñ meñ kabhī thā na dil kī aah meñ hai

tamāsh-bīn hamesha se raqs-gāh meñ hai

ba-nām-e-ishq mirī zindagī tire qurbāñ

magar nasīb mirā be-talab nibāh meñ hai

maiñ jāntā huuñ ki hai kis kī aañkh kā aañsū

vo ek la.al jo ab tak mirī kulāh meñ hai

diloñ ke rishte haiñ sab alvidā'ī manzil meñ

ki nā-guzīr aziyyat har ek chaah meñ hai

namāz-e-īd ka.ī saal se na paḌh paayā

ba-nām-e-maut koī ḳhauf eid-gāh meñ hai

ye merī fikr na.e daur kī amānat hai

ki aane vaalī sadī bhī mirī nigāh meñ hai

ye ittifāq bhī ik inhirāf hai goyā

mirā 'zamīr' abhī tak mirī panāh meñ hai

na aansuon mein kabhi tha na dil ki aah mein hai

tamash-bin hamesha se raqs-gah mein hai

ba-nam-e-ishq meri zindagi tere qurban

magar nasib mera be-talab nibah mein hai

main jaanta hun ki hai kis ki aankh ka aansu

wo ek lal jo ab tak meri kulah mein hai

dilon ke rishte hain sab alwida'i manzil mein

ki na-guzir aziyyat har ek chah mein hai

namaz-e-id kai sal se na paDh paya

ba-nam-e-maut koi KHauf eid-gah mein hai

ye meri fikr nae daur ki amanat hai

ki aane wali sadi bhi meri nigah mein hai

ye ittifaq bhi ek inhiraf hai goya

mera 'zamir' abhi tak meri panah mein hai