نہ آسماں کے ہوئے اور نہ ہم زمیں کے رہے

نہ آسماں کے ہوئے اور نہ ہم زمیں کے رہے

کسی سے عشق ہوا پھر نہ ہم کہیں کے رہے

وہ پل نہ لوٹ کے آئیں گے زندگی میں کبھی

جو میری ہاں سے زیادہ تری نہیں کے رہے

پھر ایسا رشتہ نبھانا سزا کے جیسا ہے

کسی کے ساتھ جو کوئی بنا یقیں کے رہے

خدا کو بھول کے مانا تھا پیار کو ہی خدا

نہ ہم کو پیار ہی حاصل ہوا نہ دیں کے رہے

بسے ہیں شہر میں پر دل سے گاؤں نکلا نہیں

یہاں پہ رہ کے بھی ہم عمر بھر وہیں کے رہے

کسی کو دل میں بسا لو کہ ہو گئے کھنڈر

وہ سب مکان جو اکثر بنا مکیں کے رہے