na betabi na aashufta-sari hai

na betābi na āshufta-sarī hai

hamārī zindagī kyā zindagī hai

fareb-e-ārzū khā.eñ to kyūñkar

taġhāful hai na begāna-vashī hai

faroġh-e-ishq hai mahrūmiyoñ se

vafā-keshī ba-qadr-e-nā-rasī hai

mire qasr-e-tamannā kī nigahbāñ

nigāh-e-nāz kī begānagī hai

mohabbat ke sivā jaada na manzil

mohabbat ke sivā sab gumrahī hai

mohabbat meñ shikāyat kyā gila kyā

mohabbat bandagī hai bandagī hai

ḳhudā bar-haq magar is ko kareñ kyā

butoñ meñ sad-fusūn-e-dilbarī hai

mujhe nafrat nahīñ jannat se lekin

gunāhoñ meñ ajab ik dilkashī hai

na do hūr-o-mai-o-kausar ke ta.ane

ki zāhid bhī to āḳhir aadmī hai

na betabi na aashufta-sari hai

hamari zindagi kya zindagi hai

fareb-e-arzu khaen to kyunkar

taghaful hai na begana-washi hai

farogh-e-ishq hai mahrumiyon se

wafa-keshi ba-qadr-e-na-rasi hai

mere qasr-e-tamanna ki nigahban

nigah-e-naz ki beganagi hai

mohabbat ke siwa jada na manzil

mohabbat ke siwa sab gumrahi hai

mohabbat mein shikayat kya gila kya

mohabbat bandagi hai bandagi hai

KHuda bar-haq magar is ko karen kya

buton mein sad-fusun-e-dilbari hai

mujhe nafrat nahin jannat se lekin

gunahon mein ajab ek dilkashi hai

na do hur-o-mai-o-kausar ke tane

ki zahid bhi to aaKHir aadmi hai