na but-kade mein na kabe mein sar jhukane se
na but-kade meñ na ka.abe meñ sar jhukāne se
sukūñ milā hai tirī anjuman meñ aane se
mire junūñ ko mohabbat se dekhne vaale
zarā nigāh bachā.e hue zamāne se
maiñ muskurā to diyā un kī be-niyāzī par
ye kyā ki dil pe lagī choT muskurāne se
bahut kiyā hai haqīqat kī talḳhiyoñ se gurez
magar bahal na sakā dil kisī fasāne se
ḳhushā ki ahd-e-qafas meñ bhī zindagī ke liye
nigāh kheltī rahtī hai āshiyāne se
udaas dil ko sahārā na mil sakā 'jāved'
añdherī shab meñ sitāroñ ke jagmagāne se
na but-kade mein na kabe mein sar jhukane se
sukun mila hai teri anjuman mein aane se
mere junun ko mohabbat se dekhne wale
zara nigah bachae hue zamane se
main muskura to diya un ki be-niyazi par
ye kya ki dil pe lagi choT muskurane se
bahut kiya hai haqiqat ki talKHiyon se gurez
magar bahal na saka dil kisi fasane se
KHusha ki ahd-e-qafas mein bhi zindagi ke liye
nigah khelti rahti hai aashiyane se
udas dil ko sahaara na mil saka 'jawed'
andheri shab mein sitaron ke jagmagane se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
