نہ چاہت سے نہ یادوں سے نہ وعدوں سے نہ خوابوں سے

نہ چاہت سے نہ یادوں سے نہ وعدوں سے نہ خوابوں سے

غزل کا کارخانہ چل رہا ہے بس عذابوں سے

اداسی رنگ بن کر ہر ورق پر پھیل جاتی ہے

تری تصویر ہوتی ہے جدا جب بھی کتابوں سے

کوئی گل جب نظر آئے تب ان کی یاد آتی ہے

خفا ہم اس لئے رہتے ہیں باغوں میں گلابوں سے

سر شب آسماں میں دو ستارے جیسے دکھتے ہیں

تری آنکھیں بھی کچھ ویسی ہی دکھتی ہیں حجابوں سے

چراغوں نے بھی تو نیرجؔ توجہ سب کی کھوئی ہے

پریشاں صرف راتیں ہی نہیں ہیں آفتابوں سے