نہ چاہت سے نہ یادوں سے نہ وعدوں سے نہ خوابوں سے

نہ چاہت سے نہ یادوں سے نہ وعدوں سے نہ خوابوں سے

غزل کا کارخانہ چل رہا ہے بس عذابوں سے

اداسی رنگ بن کر ہر ورق پر پھیل جاتی ہے

تیری تصویر ہوتی ہے جدا جب بھی کتابوں سے

کوئی گل جب نذر آئے تب ان کی یاد آتی ہے

خفا ہم اس لیے رہتے ہیں باغوں میں گلابوں سے

سر شب آسماں میں دو ستارے جیسے دکھتے ہیں

تری آنکھوں بھی کچھ ویسی ہی دکھتی ہیں حجابوں سے

چراغوں نے بھی تو نیرجؔ توجہ سب کی کھوئی ہے

پریشاں صرف راتیں ہی نہیں ہیں آفتابوں سے