na chahat se na yaadon se na wadon se na KHwabon se

na chāhat se na yādoñ se na va.adoñ se na ḳhvāboñ se

ġhazal kā kār-ḳhāna chal rahā hai bas azāboñ se

udāsī rang ban kar har varaq par phail jaatī hai

terī tasvīr hotī hai judā jab bhī kitāboñ se

koī gul jab nazar aa.e tab un kī yaad aatī hai

ḳhafā ham is liye rahte haiñ bāġhoñ meñ gulāboñ se

sar-e-shab āsmāñ meñ do sitāre jaise dikhte haiñ

tirī āñkhoñ bhī kuchh vaisī hī dikhtī haiñ hijāboñ se

charāġhoñ ne bhī to 'nīraj' tavajjoh sab kī khoī hai

pareshāñ sirf rāteñ hī nahīñ haiñ āftāboñ se

na chahat se na yaadon se na wadon se na KHwabon se

ghazal ka kar-KHana chal raha hai bas azabon se

udasi rang ban kar har waraq par phail jati hai

teri taswir hoti hai juda jab bhi kitabon se

koi gul jab nazar aae tab un ki yaad aati hai

KHafa hum is liye rahte hain baghon mein gulabon se

sar-e-shab aasman mein do sitare jaise dikhte hain

teri aankhon bhi kuchh waisi hi dikhti hain hijabon se

charaghon ne bhi to 'niraj' tawajjoh sab ki khoi hai

pareshan sirf raaten hi nahin hain aaftabon se