na chheD nam-o-nasab aur nasl-o-rang ki baat

na chheḌ nām-o-nasab aur nasl-o-rang kī baat

ki chal nikaltī hai aksar yahīñ se jang kī baat

tumhāre shahr meñ kis kis ko aa.ina dikhlā.eñ

hazār tarah ke chehre hazār rang kī baat

har ek baat pe ta.ana har ek baat pe tanz

kabhī to yaar kiyā kar kisī se Dhang kī baat

maiñ us ke va.ada-e-fardā pe kyā yaqīñ kartā

hañsī meñ Taal gayā ek shoḳh-o-shang kī baat

uThā hai sañg-e-malāmat ba-nām-e-shīsha-e-dil

qarār paa.ī hai shīshe ke saath sang kī baat

ajiib haal hai yāroñ kī be-hisī kā 'zafar'

sukūt-e-marg kā aalam rabāb-o-chang kī baat

na chheD nam-o-nasab aur nasl-o-rang ki baat

ki chal nikalti hai aksar yahin se jang ki baat

tumhaare shahr mein kis kis ko aaina dikhlaen

hazar tarah ke chehre hazar rang ki baat

har ek baat pe tana har ek baat pe tanz

kabhi to yar kiya kar kisi se Dhang ki baat

main us ke wada-e-farda pe kya yaqin karta

hansi mein Tal gaya ek shoKH-o-shang ki baat

uTha hai sang-e-malamat ba-nam-e-shisha-e-dil

qarar pai hai shishe ke sath sang ki baat

ajib haal hai yaron ki be-hisi ka 'zafar'

sukut-e-marg ka aalam rabab-o-chang ki baat