na dasht dasht ki surat na ghar hai ghar ki tarah

na dasht dasht kī sūrat na ghar hai ghar kī tarah

badal ga.ī hai har ik shai tirī nazar kī tarah

hai lamha lamha ik anjān rahguzar kī tarah

guzar rahe haiñ shab-o-roz bhī safar kī tarah

vahī muhīb añdherā vahī diloñ pe hirās

na.ī sahar bhī nahīñ dosto sahar kī tarah

Dhalī hai raat magar mere ghar kā darvāza

khulā huā hai abhī chashm-e-rah-guzar kī tarah

shikast-o-reḳht ke bā-vasf ham khaḌe haiñ abhī

fasīl-e-shahr ke derīna bām-o-dar kī tarah

na harf aane diyā ābrū-e-fan pe kabhī

ham anjuman meñ rahe harf-e-mo'tabar kī tarah

tilism-e-lāla-o-gul tā fareb-e-dām 'afzal'

maiñ har maqām se guzrā huuñ dīda-var kī tarah

na dasht dasht ki surat na ghar hai ghar ki tarah

badal gai hai har ek shai teri nazar ki tarah

hai lamha lamha ek anjaan rahguzar ki tarah

guzar rahe hain shab-o-roz bhi safar ki tarah

wahi muhib andhera wahi dilon pe hiras

nai sahar bhi nahin dosto sahar ki tarah

Dhali hai raat magar mere ghar ka darwaza

khula hua hai abhi chashm-e-rah-guzar ki tarah

shikast-o-reKHt ke ba-wasf hum khaDe hain abhi

fasil-e-shahr ke derina baam-o-dar ki tarah

na harf aane diya aabru-e-fan pe kabhi

hum anjuman mein rahe harf-e-mo'tabar ki tarah

tilism-e-lala-o-gul ta fareb-e-dam 'afzal'

main har maqam se guzra hun dida-war ki tarah