na faslon mein KHalish na rahat hai qurbaton mein
na fāsloñ meñ ḳhalish na rāhat hai qurbatoñ meñ
maiñ jī rahā huuñ ajiib be-rañg sā.atoñ meñ
tujhe ġharaz kyā koī bhī mauzū-e-guftugū ho
har ik haqīqat badal chukī jab hikāyatoñ meñ
mirī vafā ke safar kī takmīl ho to kaise
hai terā mehvar tirī adhūrī mohabbatoñ meñ
koī to mere vajūd kī sarhadeñ batā.e
bhaTak rahā huuñ maiñ kab se apnī hī vus.atoñ meñ
vo ek saaya thā umr bhar kī thakan kā hāmil
vo ek saaya jo kho gayā hai masāfatoñ meñ
maiñ zaḳhm khā ke bhī bad-gumāñ ho sakā na 'rāshid'
ajiib rañg-e-ḳhulūs thā us kī nafratoñ meñ
na faslon mein KHalish na rahat hai qurbaton mein
main ji raha hun ajib be-rang saaton mein
tujhe gharaz kya koi bhi mauzu-e-guftugu ho
har ek haqiqat badal chuki jab hikayaton mein
meri wafa ke safar ki takmil ho to kaise
hai tera mehwar teri adhuri mohabbaton mein
koi to mere wajud ki sarhaden batae
bhaTak raha hun main kab se apni hi wusaton mein
wo ek saya tha umr bhar ki thakan ka hamil
wo ek saya jo kho gaya hai masafaton mein
main zaKHm kha ke bhi bad-guman ho saka na 'rashid'
ajib rang-e-KHulus tha us ki nafraton mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
