نہ ہے لیڈر نہ ہے ممبر نہ ہے رہبر اپنا

نہ ہے لیڈر نہ ہے ممبر نہ ہے رہبر اپنا

ایک بچہ بھی تو کرتا نہیں فیور اپنا

صرف سسرا ہی نہیں مونچھ مچھندر اپنا

ایک سے ایک ہے سالا بھی دھلندر اپنا

ننگے بھوکے پڑے رہتے ہیں یہاں برسوں سے

یوں ہی دن رات چلا کرتا ہے لنگر اپنا

راج میں آپ کے ہم پیاسے مرا کرتے ہیں

ندی نالہ ہے نہ دریا نہ سمندر اپنا

بس اسی ڈر سے ہمیں نیند نہیں آتی ہے

کوئی دشمن نہ کرا دے کہیں مرڈر اپنا

وقت اب بھی ہے خرافات کو چھوڑو ورنہ

دشمن قوم بنا دیں گے کچومر اپنا

ایک بھی بال نہ رہ پائے گا سر میں سن لے

ہاتھ میں لے کے کہا اس نے سلیپر اپنا