na hai leader na hai member na hai rahbar apna

na hai leader na hai member na hai rahbar apnā

ek bachcha bhī to kartā nahīñ favour apnā

sirf susrā hī nahīñ mūñchh machhandar apnā

ek se ek hai saalā bhī dhulandar apnā

nange bhūke paḌe rahte haiñ yahāñ barsoñ se

yuuñ hī din-rāt chalā kartā hai langar apnā

raaj meñ aap ke ham pyāse marā karte haiñ

naddī naala hai na dariyā na samundar apnā

bas isī Dar se hameñ niiñd nahīñ aatī hai

koī dushman na karā de kahīñ murder apnā

vaqt ab bhī hai ḳhurāfāt ko chhoḌo varna

dushman-e-qaum banā deñge kachūmar apnā

ek bhī baal na rah pā.egā sar meñ sun le

haath meñ le ke kahā us ne slipper apnā

na hai leader na hai member na hai rahbar apna

ek bachcha bhi to karta nahin fawour apna

sirf susra hi nahin munchh machhandar apna

ek se ek hai sala bhi dhulandar apna

nange bhuke paDe rahte hain yahan barson se

yun hi din-raat chala karta hai langar apna

raj mein aap ke hum pyase mara karte hain

naddi nala hai na dariya na samundar apna

bas isi Dar se hamein nind nahin aati hai

koi dushman na kara de kahin murder apna

waqt ab bhi hai KHurafat ko chhoDo warna

dushman-e-qaum bana denge kachumar apna

ek bhi baal na rah paega sar mein sun le

hath mein le ke kaha us ne slipper apna