na ham-piyala sharab mein hum na ham-niwala kabab mein hum

na ham-piyāla sharāb meñ ham na ham-nivāla kabāb meñ ham

haiñ pyārī guyyāñ itaab meñ ham azaab meñ ham azaab meñ ham

sharāb meñ vo hijāb meñ ham shabāb meñ vo shabāb meñ ham

the donoñ hairāñ hisāb meñ ham savāl meñ vo javāb meñ ham

maze uḌāte haiñ baalā baalā hai kuTnā laala kitāb vaalā

batāte ham ko na Tālā-bālā jo hote kuchh bhī hisāb meñ ham

nazīr hotī agar na pyārī to ham bhī hote na us pe vaarī

na aatī gar vo nigoḌ-mārī to dekhā karte the ḳhvāb meñ ham

jo husn-e-gauhar nikhār par hai to bandī be-Dhab ubhār par hai

agar vo motī bahār par hai haiñ rashk-e-dur āb-o-tāb meñ ham

balā se ab kuchh ho yā ki jab kuchh sunā kareñge huzūr sab kuchh

na is se aage kaheñge ab kuchh tumhārī lauñDī ke baab meñ ham

na bhuul jaanā lajā ke 'anqā' ham ā.eñge das bajā ke 'anqā'

na chhoḌnā ghar bulā ke 'anqā' jo aa bhī jaa.eñ shitāb meñ ham

na ham-piyala sharab mein hum na ham-niwala kabab mein hum

hain pyari guyyan itab mein hum azab mein hum azab mein hum

sharab mein wo hijab mein hum shabab mein wo shabab mein hum

the donon hairan hisab mein hum sawal mein wo jawab mein hum

maze uDate hain baala baala hai kuTna lala kitab wala

batate hum ko na Tala-baala jo hote kuchh bhi hisab mein hum

nazir hoti agar na pyari to hum bhi hote na us pe wari

na aati gar wo nigoD-mari to dekha karte the KHwab mein hum

jo husn-e-gauhar nikhaar par hai to bandi be-Dhab ubhaar par hai

agar wo moti bahaar par hai hain rashk-e-dur aab-o-tab mein hum

bala se ab kuchh ho ya ki jab kuchh suna karenge huzur sab kuchh

na is se aage kahenge ab kuchh tumhaari launDi ke bab mein hum

na bhul jaana laja ke 'anqa' hum aaenge das baja ke 'anqa'

na chhoDna ghar bula ke 'anqa' jo aa bhi jaen shitab mein hum