na ho gar nahin un se milne ka yara

na ho gar nahīñ un se milne kā yaarā

ḳhudī hai salāmat ḳhudā hai hamārā

bhaḌaktā hai bujh bujh ke aksar dobārā

anokhā hai kyā zindagī kā sharāra

ik ummīd-e-mauhūm par jī rahā huuñ

ki tinke kā hai Dūbte ko sahārā

nigāh-e-karam ho jo rindoñ pe saaqī

to zahr-e-halāhal bhī qand-e-gavārā

charāġh-e-haram hai na hargiz bujhegā

ye dil sho.ala-e-ishq kā hai sharāra

maiñ yuuñ arsh se farsh par aa girā huuñ

ki ākāsh se jaise TuuTā ho taarā

mile kāmrānī ke phuul us ko aksar

kiyā jis ne kāñToñ meñ rah kar guzārā

'zafar' mauj-e-tūfāñ se ham khelte haiñ

mubārak unheñ jin ko sāhil hai pyārā

na ho gar nahin un se milne ka yara

KHudi hai salamat KHuda hai hamara

bhaDakta hai bujh bujh ke aksar dobara

anokha hai kya zindagi ka sharara

ek ummid-e-mauhum par ji raha hun

ki tinke ka hai Dubte ko sahaara

nigah-e-karam ho jo rindon pe saqi

to zahr-e-halahal bhi qand-e-gawara

charagh-e-haram hai na hargiz bujhega

ye dil shoala-e-ishq ka hai sharara

main yun arsh se farsh par aa gira hun

ki aakash se jaise TuTa ho tara

mile kaamrani ke phul us ko aksar

kiya jis ne kanTon mein rah kar guzara

'zafar' mauj-e-tufan se hum khelte hain

mubarak unhen jin ko sahil hai pyara