na ho pahlu mein jab dil zindagi kya

na ho pahlū meñ jab dil zindagī kyā

are ham kyā hamārī dil-lagī kyā

ḳhayāl-e-ābrū hai nashshe meñ bhī

are ham kyā hamārī be-ḳhudī kyā

madad kuchh kar nahīñ sakte kisī kī

are ham kyā hamārī dostī kyā

kiyā karte haiñ sajde be-dilī se

are ham kyā hamārī bandagī kyā

taraddud meñ guzartā hai har ik din

are ham kyā hamārī zindagī kyā

samajhte haiñ adū bhī dost ham ko

are ham kyā hamārī dushmanī kyā

nasīhat bhī hai dil-āzār 'saifī'

are ham kyā hamārī shā.erī kyā

na ho pahlu mein jab dil zindagi kya

are hum kya hamari dil-lagi kya

KHayal-e-abru hai nashshe mein bhi

are hum kya hamari be-KHudi kya

madad kuchh kar nahin sakte kisi ki

are hum kya hamari dosti kya

kiya karte hain sajde be-dili se

are hum kya hamari bandagi kya

taraddud mein guzarta hai har ek din

are hum kya hamari zindagi kya

samajhte hain adu bhi dost hum ko

are hum kya hamari dushmani kya

nasihat bhi hai dil-azar 'saifi'

are hum kya hamari shaeri kya