na ho tughyan-e-mushtaqi to main rahta nahin baqi
Interesting Fact
Baal-e-Gibril
na ho tuġhyān-e-mushtāqī to maiñ rahtā nahīñ baaqī
ki merī zindagī kyā hai yahī tuġhyān-e-mushtāqī
mujhe fitrat navā par pai-ba-pai majbūr kartī hai
abhī mahfil meñ hai shāyad koī dard-āshnā baaqī
vo ātish aaj bhī terā nasheman phūñk saktī hai
talab sādiq na ho terī to phir kyā shikva-e-sāqī
na kar afrañg kā andāza us kī tābnākī se
ki bijlī ke charāġhoñ se hai is jauhar kī barrāqī
diloñ meñ valvale āfāq-gīrī ke nahīñ uThte
nigāhoñ meñ agar paidā na ho andāz-e-āfāqī
ḳhizāñ meñ bhī kab aa saktā thā maiñ sayyād kī zad meñ
mirī ġhammāz thī shāḳh-e-nasheman kī kam aurāqī
ulaT jā.eñgī tadbīreñ badal jā.eñgī taqdīreñ
haqīqat hai nahīñ mere taḳhayyul kī hai ḳhallāqī
na ho tughyan-e-mushtaqi to main rahta nahin baqi
ki meri zindagi kya hai yahi tughyan-e-mushtaqi
mujhe fitrat nawa par pai-ba-pai majbur karti hai
abhi mahfil mein hai shayad koi dard-ashna baqi
wo aatish aaj bhi tera nasheman phunk sakti hai
talab sadiq na ho teri to phir kya shikwa-e-saqi
na kar afrang ka andaza us ki tabnaki se
ki bijli ke charaghon se hai is jauhar ki barraqi
dilon mein walwale aafaq-giri ke nahin uThte
nigahon mein agar paida na ho andaz-e-afaqi
KHizan mein bhi kab aa sakta tha main sayyaad ki zad mein
meri ghammaz thi shaKH-e-nasheman ki kam auraqi
ulaT jaengi tadbiren badal jaengi taqdiren
haqiqat hai nahin mere taKHayyul ki hai KHallaqi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
