na ho zikr hijr-o-visal ka dil-e-mubtala use bhul ja

na ho zikr hijr-o-visāl kā dil-e-mubtalā use bhuul jā

jo kabhī giraft-e-vafā meñ thā vo kahāñ rahā use bhuul jā

koī karb-o-shauq-e-visāl meñ rahā umr-bhar ajab haal meñ

kisī aur kā vo nasīb thā so nahīñ milā use bhuul jā

na.ī ulfatoñ ke ḳhumār meñ kisī bevafā ke vo pyaar meñ

tujhe ratjage jo atā kiyā vo chalā gayā use bhuul jā

jo mohabbatoñ kā jamāl thā vo munāfiqat meñ kamāl thā

vo burā sahī yā bhalā sahī jo kahā sunā use bhuul jā

mire roz-o-shab hī badal ga.e tire ġham ke sāñche meñ Dhal ga.e

mire dil se aa.ī yahī sadā use bhuul jā use bhuul jā

vo chalā gayā tujhe chhoḌ kar tū bhaTak rahā hai ġham oḌh kar

jo thā tere dil ke qarīb-tar tirā vahm thā use bhuul jā

ai 'naved' vaqt ke ghaav se ye mohabbatoñ ke alaav se

jahāñ zaḳhm tujh ko mile nayā vahāñ muskurā use bhuul jā

na ho zikr hijr-o-visal ka dil-e-mubtala use bhul ja

jo kabhi giraft-e-wafa mein tha wo kahan raha use bhul ja

koi karb-o-shauq-e-visal mein raha umr-bhar ajab haal mein

kisi aur ka wo nasib tha so nahin mila use bhul ja

nai ulfaton ke KHumar mein kisi bewafa ke wo pyar mein

tujhe ratjage jo ata kiya wo chala gaya use bhul ja

jo mohabbaton ka jamal tha wo munafiqat mein kamal tha

wo bura sahi ya bhala sahi jo kaha suna use bhul ja

mere roz-o-shab hi badal gae tere gham ke sanche mein Dhal gae

mere dil se aai yahi sada use bhul ja use bhul ja

wo chala gaya tujhe chhoD kar tu bhaTak raha hai gham oDh kar

jo tha tere dil ke qarib-tar tera wahm tha use bhul ja

ai 'nawed' waqt ke ghaw se ye mohabbaton ke alaw se

jahan zaKHm tujh ko mile naya wahan muskura use bhul ja