aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

نہ ہوئی ہم سے شب بسر نہ ہوئی

مرزا محمد ہادی عزیز لکھنوی

نہ ہوئی ہم سے شب بسر نہ ہوئی

مرزا محمد ہادی عزیز لکھنوی

MORE BYمرزا محمد ہادی عزیز لکھنوی

    نہ ہوئی ہم سے شب بسر نہ ہوئی

    کس سے پوچھیں کہ کیوں سحر نہ ہوئی

    وہ نظر شوخ و فتنہ زا ہی سہی

    کیوں مرے حال زار پر نہ ہوئی

    بزم میں یہ ادا ہمیں سمجھے

    سب کو دیکھا ادھر نظر نہ ہوئی

    اے مرا حال پوچھنے والے

    تجھ کو اب تک مری خبر نہ ہوئی

    ہم اسی زندگی پہ مرتے ہیں

    جو یہاں چین سے بسر نہ ہوئی

    کیسے کیسے ستم ہوئے تجھ پر

    کیوں مرے دل تجھے خبر نہ ہوئی

    روح عالم میں پھونک دی تو کیا

    میری جانب تو اک نظر نہ ہوئی

    اف مرے غم کدے کی تاریکی

    آپ آئے بھی تو سحر نہ ہوئی

    دل نے دنیا نئی بنا ڈالی

    اور ہمیں آج تک خبر نہ ہوئی

    مجھ سے رخصت ہوئی تھی جب دنیا

    تم کہاں تھے تمہیں خبر نہ ہوئی

    ہجر کی رات کاٹنے والے

    کیا کرے گا اگر سحر نہ ہوئی

    خوش رہیں وہ یہ مدعا تھا عزیزؔ

    نہ ہوئی زندگی بسر نہ ہوئی

    مأخذ:

    Gulkadah(Majmua-e-Ghazliyat) (Pg. e-154 p-126)

    • مصنف: مرزا محمد ہادی عزیز لکھنوی
      • اشاعت: 1936
      • ناشر: صدیق بک ڈپو، لکھنؤ

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے