na-ja na-ja ki abhi dil mein huzn-o-yas bahut hai

na-jā na-jā ki abhī dil meñ huzn-o-yās bahut hai

zarā Thahar ki tabī'at abhī udaas bahut hai

ḳhayāl-e-dasht-o-bayābāñ nigār-e-shab na sujhā tū

fasurdagī-e-rah-e-ġham abhī to raas bahut hai

tire jamāl kā ai dost ye asar to nahīñ hai

chaman meñ husn-e-bahārāñ guloñ meñ baas bahut hai

havā ke dosh pe aayā hai qāfila shab-e-ġham kā

sulag rahe haiñ sitāre fazā udaas bahut hai

'vahīd' aaj sunā de fasāna-e-shab-e-hijrāñ

abhī to dard-e-farāvāñ diloñ ko raas bahut hai

na-ja na-ja ki abhi dil mein huzn-o-yas bahut hai

zara Thahar ki tabi'at abhi udas bahut hai

KHayal-e-dasht-o-bayaban nigar-e-shab na sujha tu

fasurdagi-e-rah-e-gham abhi to ras bahut hai

tere jamal ka ai dost ye asar to nahin hai

chaman mein husn-e-bahaaran gulon mein bas bahut hai

hawa ke dosh pe aaya hai qafila shab-e-gham ka

sulag rahe hain sitare faza udas bahut hai

'wahid' aaj suna de fasana-e-shab-e-hijran

abhi to dard-e-farawan dilon ko ras bahut hai