na jadu hun na Tona ho gaya hun

na jaadū huuñ na Tonā ho gayā huuñ

mujhe honā thā honā ho gayā huuñ

unheñ pāras na kah duuñ to kahūñ kyā

jinheñ chhū kar maiñ sonā ho gayā huuñ

baḌhā hai jab se qad ḳhvāhish kā merī

lagā hai aur baunā ho gayā huuñ

vo mere dil se aksar khelte haiñ

zahe-qismat khilaunā ho gayā huuñ

vo chal chal kar tamannā rauñdte haiñ

maiñ bichh bichh kar bichhaunā ho gayā huuñ

kabhī kaatā gayā hālāt ke dhar

kabhī maiñ adhbilaunā ho gayā huuñ

mirī ġhazleñ hī to sāthī haiñ 'sājid'

vagarna ek konā ho gayā huuñ

na jadu hun na Tona ho gaya hun

mujhe hona tha hona ho gaya hun

unhen paras na kah dun to kahun kya

jinhen chhu kar main sona ho gaya hun

baDha hai jab se qad KHwahish ka meri

laga hai aur bauna ho gaya hun

wo mere dil se aksar khelte hain

zahe-qismat khilauna ho gaya hun

wo chal chal kar tamanna raundte hain

main bichh bichh kar bichhauna ho gaya hun

kabhi kata gaya haalat ke dhar

kabhi main adhbilauna ho gaya hun

meri ghazlen hi to sathi hain 'sajid'

wagarna ek kona ho gaya hun