na jaane kyon us ghaDi bikharne se rah gaya tha

na jaane kyoñ us ghaḌī bikharne se rah gayā thā

maiñ us kī āvāz par Thaharne se rah gayā thā

us ek lamhe kī rā.egānī kā dukh hai saarā

vo terī qurbat meñ jo guzarne se rah gayā thā

ḳhushī ke raste ko muskurātā huā gayā hai

vo ġham jo dil meñ qiyām karne se rah gayā thā

kisī kī āñkhoñ se bah chalī thī tamām hairat

vo ā.īna-rū thā aur sañvarne se rah gayā thā

matā-e-dil ko bachā to laa.ī thī nā-rasā.ī

ki rah gayā thā vo qarz utarne se rah gayā thā

maiñ ek manzar meñ ik musavvir kā ruup dhāre

us ek manzar meñ rang bharne se rah gayā thā

hamārī āñkhoñ meñ kuchh nahīñ thā sivā.e dil ke

sivā.e dil ke sabhī sañvarne se rah gayā thā

kisī jazīre pe raat yādeñ baras rahī thiiñ

kahīñ samundar thā jo bipharne se rah gayā thā

na jaane kyon us ghaDi bikharne se rah gaya tha

main us ki aawaz par Thaharne se rah gaya tha

us ek lamhe ki raegani ka dukh hai sara

wo teri qurbat mein jo guzarne se rah gaya tha

KHushi ke raste ko muskuraata hua gaya hai

wo gham jo dil mein qiyam karne se rah gaya tha

kisi ki aankhon se bah chali thi tamam hairat

wo aaina-ru tha aur sanwarne se rah gaya tha

mata-e-dil ko bacha to lai thi na-rasai

ki rah gaya tha wo qarz utarne se rah gaya tha

main ek manzar mein ek musawwir ka rup dhaare

us ek manzar mein rang bharne se rah gaya tha

hamari aankhon mein kuchh nahin tha siwae dil ke

siwae dil ke sabhi sanwarne se rah gaya tha

kisi jazire pe raat yaaden baras rahi thin

kahin samundar tha jo bipharne se rah gaya tha