na jaane kyun mujhe us se hi KHauf lagta hai
na jaane kyuuñ mujhe us se hī ḳhauf lagtā hai
mire liye jo zamāne ko chhoḌ aayā hai
añdherī shab ke havāloñ meñ us ko rakkhā hai
jo saare shahr kī nīñdeñ uḌā ke soyā hai
rafāqatoñ ke safar meñ to be-yaqīnī thī
ye fāsla hai jo rishta banā.e rakhtā hai
vo ḳhvāb the jinheñ ham mil ke dekh sakte the
ye bār-e-zīst hai tanhā uThānā paḌtā hai
hameñ kitāboñ meñ kyā DhūñDne chale ho 'vasīm'
jo ham ko paḌh nahīñ paa.e unhīñ ne likkhā hai
na jaane kyun mujhe us se hi KHauf lagta hai
mere liye jo zamane ko chhoD aaya hai
andheri shab ke hawalon mein us ko rakkha hai
jo sare shahr ki ninden uDa ke soya hai
rafaqaton ke safar mein to be-yaqini thi
ye fasla hai jo rishta banae rakhta hai
wo KHwab the jinhen hum mil ke dekh sakte the
ye bar-e-zist hai tanha uThana paDta hai
hamein kitabon mein kya DhunDne chale ho 'wasim'
jo hum ko paDh nahin pae unhin ne likkha hai
- Book : Mera Kiya (Pg. 90)
- Author : Waseem Barelvi
- Publication : Maktaba Jamia Ltd. (2007)
- Edition : 2007
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
