na kal tak the wo munh lagane ke qabil
na kal tak the vo muñh lagāne ke qābil
hue aaj bāteñ banāne ke qābil
tirī bandagī aur siyahkār mujh sā
ye sar aur tire āstāne ke qābil
lab-e-zaḳhm-e-dil par ye hai shor qātil
tirī teġh kā phal hai khāne ke qābil
nikāle sanam peT se paañv tum ne
hue jab kahīñ āne-jāne ke qābil
dil-e-bul-havas lā.eq-e-dāġh-e-ulfat
ye darham na the is ḳhazāne ke qābil
un ā.īna-rūyoñ kī ulfat ne ai dil
na rakkhā hameñ muñh dikhāne ke qābil
yahāñ sau haiñ khaTke chalo is chaman se
nahīñ ye jagah āshiyāne ke qābil
patañge haiñ gustāḳh ai sham.a-paikar
nahīñ terī mahfil meñ aane ke qābil
koī us ke duzd-e-hinā se ye kah de
mirā naqd-e-dil hai churāne ke qābil
kabhī ḳhuun meñ mere bhī haath tar kar
ye mehñdī hai tere lagāne ke qābil
falak kyā rulāyā karegā hamesha
kabhī ham bhī hoñge hañsāne ke qābil
marīz-e-mohabbat tumhārā hai lāġhar
nahīñ yaar furqat uThāne ke qābil
kise dekheñ ham aur dikhlā.eñ kis ko
na ab dekhne ne dikhāne ke qābil
ġhash ustādiyoñ par haiñ jāneñ na pūchheñ
'qalaq' aise haiñ is zamāne ke qābil
na kal tak the wo munh lagane ke qabil
hue aaj baaten banane ke qabil
teri bandagi aur siyahkar mujh sa
ye sar aur tere aastane ke qabil
lab-e-zaKHm-e-dil par ye hai shor qatil
teri tegh ka phal hai khane ke qabil
nikale sanam peT se panw tum ne
hue jab kahin aane-jaane ke qabil
dil-e-bul-hawas laeq-e-dagh-e-ulfat
ye darham na the is KHazane ke qabil
un aaina-ruyon ki ulfat ne ai dil
na rakkha hamein munh dikhane ke qabil
yahan sau hain khaTke chalo is chaman se
nahin ye jagah aashiyane ke qabil
patange hain gustaKH ai shama-paikar
nahin teri mahfil mein aane ke qabil
koi us ke duzd-e-hina se ye kah de
mera naqd-e-dil hai churane ke qabil
kabhi KHun mein mere bhi hath tar kar
ye mehndi hai tere lagane ke qabil
falak kya rulaya karega hamesha
kabhi hum bhi honge hansane ke qabil
mariz-e-mohabbat tumhaara hai laghar
nahin yar furqat uThane ke qabil
kise dekhen hum aur dikhlaen kis ko
na ab dekhne ne dikhane ke qabil
ghash ustadiyon par hain jaanen na puchhen
'qalaq' aise hain is zamane ke qabil
- Mazhar-e-Ishq
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
