نہ کر کسی کی محبت کا اعتبار نہ کر

نہ کر کسی کی محبت کا اعتبار نہ کر

تمام عمر تمنا کو سوگوار نہ کر

خلوص دل ہے بڑی چیز زندگی کے لئے

ذرا سے غم میں گریباں کو تار تار نہ کر

جبین شوق کو پامال کر نہ یاس کے نام

یوں ظلم اپنی جوانی پہ بے شمار نہ کر

انہیں تو شام ڈھلے نیند آ گئی ہوگی

سحر کے وقت ستاروں کا انتظار نہ کر

کہا تھا اس نے تمہیں پیار ہم بھی کرتے ہیں

تو اس کی باتوں کا ایسے تو اعتبار نہ کر

یہ جان کر بھی کہ لندن پہ راجؔ ہے اس کا

تو میری مان لے اس پر یوں اختیار نہ کر