na KHud-sari mein hasin roz-o-shab guzara kar

na ḳhud-sarī meñ hasīñ roz-o-shab guzārā kar

zamīn-e-dil pe kabhī paañv bhī pasārā kar

kināre lag ga.ī mere bhī shauq kī kashtī

mire rafīq tū ab shauq se kinārā kar

kisī ke hijr meñ tasvīr ban gayā huuñ maiñ

hasīn shaam ke manzar mujhe nihārā kar

yahī hai lutf anā kā yahī hai dildārī

ki bāziyoñ ko kabhī jiit ke bhī haarā kar

nikāl koī to sūrat ki fāsle na raheñ

qarīb aa mire yā phir mujhe ishāra kar

tirī sadā.eñ kabhī rā.egāñ na jā.eñgī

vo sun rahā hai yahī soch ke pukārā kar

husūl-e-amn-o-mohabbat kī chāshnī ke liye

mizāj-e-talḳhī-e-daurāñ 'suḳhan' gavārā kar

na KHud-sari mein hasin roz-o-shab guzara kar

zamin-e-dil pe kabhi panw bhi pasara kar

kinare lag gai mere bhi shauq ki kashti

mere rafiq tu ab shauq se kinara kar

kisi ke hijr mein taswir ban gaya hun main

hasin sham ke manzar mujhe nihaara kar

yahi hai lutf ana ka yahi hai dildari

ki baziyon ko kabhi jit ke bhi haara kar

nikal koi to surat ki fasle na rahen

qarib aa mere ya phir mujhe ishaara kar

teri sadaen kabhi raegan na jaengi

wo sun raha hai yahi soch ke pukara kar

husul-e-amn-o-mohabbat ki chashni ke liye

mizaj-e-talKHi-e-dauran 'suKHan' gawara kar