na KHuda hai na naKHuda hai koi

na ḳhudā hai na nāḳhudā hai koī

zindagī goyā sāneha hai koī

na to be-qufl hai darīcha-e-zehn

na dar-e-dil khulā huā hai koī

na mazā gumrahī meñ miltā hai

na sambhalne kā rāsta hai koī

maiñ ki tanhā thā ab bhī tanhā huuñ

phir bhī mujh se bichhaḌ gayā hai koī

zaat mat dekh karb-e-zāt ko dekh

kaise andar se TūTtā hai koī

mubtalā ruuh ke azaab meñ huuñ

kab se dil ko khurach rahā hai koī

jaane kis sub.h kī tamannā meñ

rāt-bhar sham.a saañ jalā hai koī

fursat-e-zindagī bahut kam hai

aur bahut der āshnā hai koī

tum bhī sachche ho maiñ bhī sachchā huuñ

kab yahāñ jhuuT boltā hai koī

na KHuda hai na naKHuda hai koi

zindagi goya saneha hai koi

na to be-qufl hai daricha-e-zehn

na dar-e-dil khula hua hai koi

na maza gumrahi mein milta hai

na sambhalne ka rasta hai koi

main ki tanha tha ab bhi tanha hun

phir bhi mujh se bichhaD gaya hai koi

zat mat dekh karb-e-zat ko dekh

kaise andar se TuTta hai koi

mubtala ruh ke azab mein hun

kab se dil ko khurach raha hai koi

jaane kis subh ki tamanna mein

raat-bhar shama san jala hai koi

fursat-e-zindagi bahut kam hai

aur bahut der aashna hai koi

tum bhi sachche ho main bhi sachcha hun

kab yahan jhuT bolta hai koi