نہ کھل کر دشمنی کا وہ کبھی اظہار کرتا ہے

نہ کھل کر دشمنی کا وہ کبھی اظہار کرتا ہے

بڑا کم ظرف ہے چھپ کر ہمیشہ وار کرتا ہے

کہاں رغبت رہی ہے آج بچوں کو کھلونوں سے

یہ وہ طبقہ ہے جو اب چاقوؤں سے پیار کرتا ہے

کبھی کوئی بھی غم اس شخص پر غالب نہیں آتا

وہ کیسا شخص ہے محرومیوں سے پیار کرتا ہے

کبھی تو اس کی باتوں سے گماں ہوتا ہے پھولوں کا

کبھی نشتر چبھو کر وہ جگر کے پار کرتا ہے

جو دعویٰ کرتا رہتا ہے مسیحائی کا ہر لمحہ

تعصب کی کھڑی احزنؔ وہی دیوار کرتا ہے