na kisi bhi gham ke badle na kisi KHushi ke badle

na kisī bhī ġham ke badle na kisī ḳhushī ke badle

tujhe zindagī milī hai mirī zindagī ke badle

mirī jur.atoñ kī koī nahīñ qadr karne vaalā

tujhe mil rahe haiñ tamġhe tirī buzdilī ke badle

tujhe aaj tak bhī shāyad ye ḳhabar nahīñ ki maiñ ne

hai chukā.ī kitnī qīmat tirī dostī ke badle

mirī aarzū kā hāsil tire lab kī muskurāhaT

haiñ qubūl mujh ko sab ġham tirī ik ḳhushī ke badle

mujhe fikr hai jazā kī na hī ḳhauf hai sazā kā

rahe mujh se bas tū raazī mirī bandagī ke badle

vo lagā rahe haiñ mujh par jo tarah tarah kī tohmat

liye jā rahe haiñ mujh se kisī dushmanī ke badle

tirā farz hai ye 'kāshif' tū vaqār is kā rakhe

tujhe log jānte haiñ tirī shā.irī ke badle

na kisi bhi gham ke badle na kisi KHushi ke badle

tujhe zindagi mili hai meri zindagi ke badle

meri juraton ki koi nahin qadr karne wala

tujhe mil rahe hain tamghe teri buzdili ke badle

tujhe aaj tak bhi shayad ye KHabar nahin ki main ne

hai chukai kitni qimat teri dosti ke badle

meri aarzu ka hasil tere lab ki muskurahaT

hain qubul mujh ko sab gham teri ek KHushi ke badle

mujhe fikr hai jaza ki na hi KHauf hai saza ka

rahe mujh se bas tu raazi meri bandagi ke badle

wo laga rahe hain mujh par jo tarah tarah ki tohmat

liye ja rahe hain mujh se kisi dushmani ke badle

tera farz hai ye 'kashif' tu waqar is ka rakhe

tujhe log jaante hain teri shairi ke badle