na kisi hirs na hawas ke liye

na kisī hirs na havas ke liye

ham yahāñ aa.e ahl-e-las ke liye

mujh pe bas ik nigah ki kaafī hai

ek chingārī ḳhār-o-ḳhas ke liye

zindagānī ke ḳhasta aDDe par

ham khaḌe haiñ ajal kī bus ke liye

razm bazm-e-suḳhan ko samjho to

tanhā kaafī huuñ aaTh das ke liye

dostoñ ne tire bichhaḌne par

mirī barbādiyoñ ke chaske liye

phir bahāroñ ne rāsta rokā

ghar se nikle the ham qafas ke liye

'ishq kā khel khelte haiñ log

narm jismoñ pe dastaras ke liye

naaz kyā ai 'qamar' javānī par

ye to hotī hai kuchh baras ke liye

na kisi hirs na hawas ke liye

hum yahan aae ahl-e-las ke liye

mujh pe bas ek nigah ki kafi hai

ek chingari KHar-o-KHas ke liye

zindagani ke KHasta aDDe par

hum khaDe hain ajal ki bus ke liye

razm bazm-e-suKHan ko samjho to

tanha kafi hun aaTh das ke liye

doston ne tere bichhaDne par

meri barbaadiyon ke chaske liye

phir bahaaron ne rasta roka

ghar se nikle the hum qafas ke liye

'ishq ka khel khelte hain log

narm jismon pe dastaras ke liye

naz kya ai 'qamar' jawani par

ye to hoti hai kuchh baras ke liye