na kisi pe zaKHm ayan koi na kisi ko fikr rafu ki hai
na kisi pe zaKHm ayan koi na kisi ko fikr rafu ki hai
Faiz Ahmad Faiz
MORE BYFaiz Ahmad Faiz
na kisī pe zaḳhm ayaañ koī na kisī ko fikr rafū kī hai
na karam hai ham pe habīb kā na nigāh ham pe adū kī hai
saf-e-zāhidāñ hai to be-yaqīñ saf-e-mai-kashāñ hai to be-talab
na vo sub.h vird-o-vazū kī hai na vo shaam jām-o-subū kī hai
na ye ġham nayā na sitam nayā ki tirī jafā kā gilā kareñ
ye nazar thī pahle bhī muztarib ye kasak to dil meñ kabhū kī hai
kaf-e-bāġhbāñ pe bahār-e-gul kā hai qarz pahle se besh-tar
ki har ek phuul ke pairahan meñ numūd mere lahū kī hai
nahīñ ḳhauf-e-roz-e-siyah hameñ ki hai 'faiz' zarf-e-nigāh meñ
abhī gosha-gīr vo ik kiran jo lagan us ā.īna-rū kī hai
na kisi pe zaKHm ayan koi na kisi ko fikr rafu ki hai
na karam hai hum pe habib ka na nigah hum pe adu ki hai
saf-e-zahidan hai to be-yaqin saf-e-mai-kashan hai to be-talab
na wo subh wird-o-wazu ki hai na wo sham jam-o-subu ki hai
na ye gham naya na sitam naya ki teri jafa ka gila karen
ye nazar thi pahle bhi muztarib ye kasak to dil mein kabhu ki hai
kaf-e-baghban pe bahaar-e-gul ka hai qarz pahle se besh-tar
ki har ek phul ke pairahan mein numud mere lahu ki hai
nahin KHauf-e-roz-e-siyah hamein ki hai 'faiz' zarf-e-nigah mein
abhi gosha-gir wo ek kiran jo lagan us aaina-ru ki hai
- Book : Nuskha Hai Wafa (Pg. 426)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
