na koi din hota hai na koi zat hoti hai

na koī diin hotā hai na koī zaat hotī hai

mohabbat karne vāloñ kī nirālī baat hotī hai

bisāt-e-zīst par ham chaal chalte haiñ qarīne se

zarā sī chuuk ho jaa.e to baazī maat hotī hai

hiqārat kī nazar se dekhte haiñ log mahfil meñ

ġharīboñ kī bhalā duniyā meñ kyā auqāt hotī hai

buzurgoñ kī duā.eñ haiñ jo sar jhukne nahīñ detīñ

ḳhushī aur ġham vagarna kis ke bas kī baat hotī hai

aur un se ye muamma aaj tak hal ho nahīñ paayā

ki din aatā hai pahle yā ki pahle raat hotī hai

kisī ne sach kahā hai ik tamāshā-gāh hai duniyā

khilaunoñ kī magar chābī ḳhudā ke haat hotī hai

ḳhizāñ kā daur ho yā vo bahāroñ kā zamāna ho

koī mausam ho ai 'gulshan' hamārī baat hotī hai

na koi din hota hai na koi zat hoti hai

mohabbat karne walon ki nirali baat hoti hai

bisat-e-zist par hum chaal chalte hain qarine se

zara si chuk ho jae to bazi mat hoti hai

hiqarat ki nazar se dekhte hain log mahfil mein

gharibon ki bhala duniya mein kya auqat hoti hai

buzurgon ki duaen hain jo sar jhukne nahin detin

KHushi aur gham wagarna kis ke bas ki baat hoti hai

aur un se ye muamma aaj tak hal ho nahin paya

ki din aata hai pahle ya ki pahle raat hoti hai

kisi ne sach kaha hai ek tamasha-gah hai duniya

khilaunon ki magar chabi KHuda ke hat hoti hai

KHizan ka daur ho ya wo bahaaron ka zamana ho

koi mausam ho ai 'gulshan' hamari baat hoti hai