na koi hijr na koi visal hai shayad

na koī hijr na koī visāl hai shāyad

bas ek hālat-e-be-māh-o-sāl hai shāyad

huā hai dair-o-haram meñ jo mo.atakif vo yaqīn

takān-e-kashmakash-e-ehtimāl hai shāyad

ḳhayāl-o-vahm se bartar hai us kī zaat so vo

nihāyat-e-havas-e-ḳhadd-o-ḳhāl hai shāyad

maiñ sat.h-e-harf pe tujh ko utaar laayā huuñ

tirā zavāl hī merā kamāl hai shāyad

maiñ ek lamha-e-maujūd se idhar na udhar

so jo bhī mere liye hai muhāl hai shāyad

vo inhimāk har ik kaam meñ ki ḳhatm na ho

to koī baat huī hai malāl hai shāyad

gumāñ huā hai ye amboh se javāboñ ke

savāl ḳhud hī javāb-e-savāl hai shāyad

na koi hijr na koi visal hai shayad

bas ek haalat-e-be-mah-o-sal hai shayad

hua hai dair-o-haram mein jo moatakif wo yaqin

takan-e-kashmakash-e-ehtimal hai shayad

KHayal-o-wahm se bartar hai us ki zat so wo

nihayat-e-hawas-e-KHadd-o-KHal hai shayad

main sath-e-harf pe tujh ko utar laya hun

tera zawal hi mera kamal hai shayad

main ek lamha-e-maujud se idhar na udhar

so jo bhi mere liye hai muhaal hai shayad

wo inhimak har ek kaam mein ki KHatm na ho

to koi baat hui hai malal hai shayad

guman hua hai ye amboh se jawabon ke

sawal KHud hi jawab-e-sawal hai shayad