na koi jalwati na koi KHalwati na koi KHas tha na koi aam tha

na koī jalvatī na koī ḳhalvatī na koī ḳhaas thā na koī aam thā

na koī husn thā na koī ishq thā na yahī naam thā na vahī naam thā

na koī thā makīñ na koī thā makāñ na koī thī zamīñ na koī thā zamāñ

na koī sharq thā na koī ġharb thā na dam-e-sub.h thā na sar-e-shām thā

azal lā-yazal abad be-badal jo bane āj-kal ufuq-sad-amal

na kahīñ the ḳhafī na kahīñ the jalī na koī thā nishāñ na koī naam thā

talab-e-mudda.ā havas-e-nāravā jo kabhī kuchh kahā vo hue be-maza

vo bajā-e-jazā suḳhan-e-nāstrā shajar-e-hirs kā samar-e-ḳhām thā

jo lage aag bhī to na ho zau-fishāñ jo bujhe sho.ala bhī to na uThe dhuāñ

na gila hijr kā na sila ishq kā ye vahī hukm thā jo mire naam thā

jo bujhī sham-e-dil to baḌhī raushnī jo piyā zahr-e-ġham to baḌhī zindagī

ye tū hī ab batā zarā munsifī ye tirā kaam thā ki mirā kaam thā

suḳhan-e-'ārzū' chaman-e-ārzū ḳhutan-e-ārzū adn-e-ārzū

ye dur-e-be-sadaf qamar-e-bā-sharaf na tah-e-ḳhāna thā na sar-e-bām thā

na koi jalwati na koi KHalwati na koi KHas tha na koi aam tha

na koi husn tha na koi ishq tha na yahi nam tha na wahi nam tha

na koi tha makin na koi tha makan na koi thi zamin na koi tha zaman

na koi sharq tha na koi gharb tha na dam-e-subh tha na sar-e-sham tha

azal la-yazal abad be-badal jo bane aaj-kal ufuq-sad-amal

na kahin the KHafi na kahin the jali na koi tha nishan na koi nam tha

talab-e-muddaa hawas-e-narawa jo kabhi kuchh kaha wo hue be-maza

wo baja-e-jaza suKHan-e-nastra shajar-e-hirs ka samar-e-KHam tha

jo lage aag bhi to na ho zau-fishan jo bujhe shoala bhi to na uThe dhuan

na gila hijr ka na sila ishq ka ye wahi hukm tha jo mere nam tha

jo bujhi sham-e-dil to baDhi raushni jo piya zahr-e-gham to baDhi zindagi

ye tu hi ab bata zara munsifi ye tera kaam tha ki mera kaam tha

suKHan-e-'arzu' chaman-e-arzu KHutan-e-arzu adn-e-arzu

ye dur-e-be-sadaf qamar-e-ba-sharaf na tah-e-KHana tha na sar-e-baam tha