na kyon apni mohabbat ko hi be-lafz-o-bayan kar len

na kyoñ apnī mohabbat ko hī be-lafz-o-bayāñ kar leñ

ḳhamoshī ko zabāñ kar leñ nazar ko dāstāñ kar leñ

hasīñ hai husn se tere ye pastī bhī bulandī bhī

na kyoñ phir tujh ko sajde ham jahāñ chāheñ vahāñ kar leñ

tabassum ko lab-e-lālī pe apne kuchh bikharne do

dil-e-vīrāñ ko dam bhar ham bhī raqs-e-gulsitāñ kar leñ

yahī mausam yahī din the ki ham se qāfila chhūTā

mohabbat se ham ik baar aur yād-e-kārvāñ kar leñ

shikasta par haiñ pahuñche kis tarah ujḌe nasheman meñ

ba-sad-hasrat nigāheñ kyoñ na sū-e-āshiyāñ kar leñ

nigāheñ dekheñ saaqī kī ki us ke haath meñ sāġhar

zarā zauq-e-nazar kā aaj ham bhī intihā kar leñ

'habīb' is zindagī meñ ye badī bad-sūratī kaisī

hasīñ ham kyoñ na husn-e-yār se apnā jahāñ kar leñ

na kyon apni mohabbat ko hi be-lafz-o-bayan kar len

KHamoshi ko zaban kar len nazar ko dastan kar len

hasin hai husn se tere ye pasti bhi bulandi bhi

na kyon phir tujh ko sajde hum jahan chahen wahan kar len

tabassum ko lab-e-lali pe apne kuchh bikharne do

dil-e-viran ko dam bhar hum bhi raqs-e-gulsitan kar len

yahi mausam yahi din the ki hum se qafila chhuTa

mohabbat se hum ek bar aur yaad-e-karwan kar len

shikasta par hain pahunche kis tarah ujDe nasheman mein

ba-sad-hasrat nigahen kyon na su-e-ashiyan kar len

nigahen dekhen saqi ki ki us ke hath mein saghar

zara zauq-e-nazar ka aaj hum bhi intiha kar len

'habib' is zindagi mein ye badi bad-surati kaisi

hasin hum kyon na husn-e-yar se apna jahan kar len