na manzil thi na rasta tha kiya phir bhi safar barson
na manzil thī na rasta thā kiyā phir bhī safar barsoñ
vo jalva to gayā lekin rahā us kā asar barsoñ
savāl-e-zindagī aksar kiye rahtā pareshāñ thā
talāsh-e-zindagī meñ hī rahī apnī nazar barsoñ
milī jo maañ mujhe kal raat sapne meñ to yaad aayā
nahīñ jaanā huā merā hai ab ke apne ghar barsoñ
nahīñ detī hamārī zindagī bhī āj-kal fursat
tumhārā bhī nahīñ hotā hai ab aanā idhar barsoñ
mirī mahrūmiyoñ se vāsta thā kyā bhalā is kā
milā paayā nahīñ yārab maiñ duniyā se nazar barsoñ
na jaane intizār us kā 'salīl' rahtā hai kyoñ tujh ko
nahīñ rahtī jise shāyad ḳhud apnī hī ḳhabar barsoñ
na manzil thi na rasta tha kiya phir bhi safar barson
wo jalwa to gaya lekin raha us ka asar barson
sawal-e-zindagi aksar kiye rahta pareshan tha
talash-e-zindagi mein hi rahi apni nazar barson
mili jo man mujhe kal raat sapne mein to yaad aaya
nahin jaana hua mera hai ab ke apne ghar barson
nahin deti hamari zindagi bhi aaj-kal fursat
tumhaara bhi nahin hota hai ab aana idhar barson
meri mahrumiyon se wasta tha kya bhala is ka
mila paya nahin yarab main duniya se nazar barson
na jaane intizar us ka 'salil' rahta hai kyon tujh ko
nahin rahti jise shayad KHud apni hi KHabar barson
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
