na matlab gulon se na gulshan se hai

na matlab guloñ se na gulshan se hai

mohabbat hameñ apne dushman se hai

chaman par nahīñ girtī ye bijliyāñ

adāvat hamāre nasheman se hai

nigāheñ laḌā kar nazar phernā

ye aadat tumhārī laḌakpan se hai

mohabbat kī majbūriyāñ dekhiye

hameñ ḳhvāhish-e-rahm dushman se hai

vo phir dekhte aa ke dard-e-jigar

vo phir pūchhte tirchhī chitvan se hai

na pūchh ham-nashīñ hāl-e-josh-e-junūñ

ḳharābī ayaañ mere dāman se hai

kahīñ dil churā.eñ na āñkheñ tirī

mujhe ḳhauf in donoñ rahzan se hai

chaman meñ jo ḳhaak aa rahī hai nazar

yahī yādgār-e-nasheman se hai

ajab rang kā jurm hai aadmī

ki yārāna shaiḳh-o-barahman se hai

na matlab gulon se na gulshan se hai

mohabbat hamein apne dushman se hai

chaman par nahin girti ye bijliyan

adawat hamare nasheman se hai

nigahen laDa kar nazar pherna

ye aadat tumhaari laDakpan se hai

mohabbat ki majburiyan dekhiye

hamein KHwahish-e-rahm dushman se hai

wo phir dekhte aa ke dard-e-jigar

wo phir puchhte tirchhi chitwan se hai

na puchh ham-nashin haal-e-josh-e-junun

KHarabi ayan mere daman se hai

kahin dil churaen na aankhen teri

mujhe KHauf in donon rahzan se hai

chaman mein jo KHak aa rahi hai nazar

yahi yaadgar-e-nasheman se hai

ajab rang ka jurm hai aadmi

ki yarana shaiKH-o-barahman se hai