na mom hun na sang hun malang hun

na mom huuñ na sang huuñ malang huuñ

maiñ ḳhud se ḳhud kī jang huuñ malang huuñ

tumheñ jahān-e-rang-o-bū kā shauq hai

maiñ zindagī se tang huuñ malang huuñ

mire badan pe ishq ke nishān haiñ

tirī nazar meñ nang huuñ malang huuñ

chhalak paḌe haiñ jaam jis ke saaz se

maiñ aisī jal-tarang huuñ malang huuñ

na gard kā na bārishoñ kā Dar mujhe

maiñ aisā ḳhaas rang huuñ malang huuñ

tire badan ke mo.ajizoñ ko dekh kar

maiñ aql vaalā dang huuñ malang huuñ

na rok mujh ko raqs se maiñ kah chukā

malang huuñ malang huuñ malang huuñ

na mom hun na sang hun malang hun

main KHud se KHud ki jang hun malang hun

tumhein jahan-e-rang-o-bu ka shauq hai

main zindagi se tang hun malang hun

mere badan pe ishq ke nishan hain

teri nazar mein nang hun malang hun

chhalak paDe hain jam jis ke saz se

main aisi jal-tarang hun malang hun

na gard ka na barishon ka Dar mujhe

main aisa KHas rang hun malang hun

tere badan ke moajizon ko dekh kar

main aql wala dang hun malang hun

na rok mujh ko raqs se main kah chuka

malang hun malang hun malang hun