na mujhko kabhi gham ata kijiyega

na mujh ko kabhī ġham 'atā kījiyegā

qasam hai ḳhudā kī vafā kījiyegā

ḳhushī hī ḳhushī ho mirī zindagī meñ

salāmat rahūñ maiñ du'ā kījiyegā

kise thī ḳhabar jis chaman meñ ḳhizāñ hai

use aap phir se harā kījiyegā

mohabbat mohabbat are haañ mohabbat

kisī se na mere sivā kījiyegā

taras jā.iyegā mohabbat kī ḳhātir

agar maañ ko dil se judā kījiyegā

faqat maiñ nahīñ aap bhī ro.eñge phir

agar saath mere daġhā kījiyegā

dukhāyā hai dil aap kā sab ne 'mohak'

kisī se na lekin gila kījiyegā

na mujh ko kabhi gham 'ata kijiyega

qasam hai KHuda ki wafa kijiyega

KHushi hi KHushi ho meri zindagi mein

salamat rahun main du'a kijiyega

kise thi KHabar jis chaman mein KHizan hai

use aap phir se hara kijiyega

mohabbat mohabbat are han mohabbat

kisi se na mere siwa kijiyega

taras jaiyega mohabbat ki KHatir

agar man ko dil se juda kijiyega

faqat main nahin aap bhi roenge phir

agar sath mere dagha kijiyega

dukhaya hai dil aap ka sab ne 'mohak'

kisi se na lekin gila kijiyega