na nazar ki dida-wari rahi na jigar ki be-jigari rahi

na nazar kī dīda-varī rahī na jigar kī be-jigarī rahī

magar ahl-e-dā'vā-e-shauq se tirī barham-e-nāz bharī rahī

kabhī jaag uThā kabhī so gayā kabhī khil uThā kabhī kho gayā

dil-e-mast jām-e-jamāl ko na ḳhabar na be-ḳhabarī rahī

ye 'ajab havas kā dayār hai yahāñ 'aam anā kā ḳhumār hai

mujhe apne sahrā se pyaar hai mujhe raas dar-ba-darī rahī

na dil-o-dimāġh ko hai sukūñ na zamāñ makāñ ko qarār hai

maiñ safar meñ huuñ ki hazar meñ huuñ mirī zindagī safarī rahī

kahīñ chāñd jugnū parinda rut kahīñ rang dhuup dhanak nirt

mire daur meñ dil-e-muztarib ye ġhazal kī shīshagarī rahī

yahāñ makr bhī hai jadal bhī hai yahāñ bal ke saath meñ chhal bhī hai

fan-e-tesha-gar ke kamāl se zan-e-hīla-gar hī kharī rahī

ye tabassum-e-sar-e-anjuman vo adāvatoñ ke diloñ meñ phan

na.e daur meñ na.ī nasl kī yahī shān-e-dīda-varī rahī

jo ḳhudā-shanās nahīñ huā kabhī ḳhud-shanās na ho sakā

vo jo munkirīn-e-ḳhudā hue unheñ ḳhud se be-ḳhabarī rahī

mire fan ke zauq-e-latīf ko sanad ahl-e-zauq kī chāhiye

magar aaj tak sar-e-anjuman ye talab dharī kī dharī rahī

jo the tālibān-e-ilāj-e-ġham unheñ gahrī niiñd sulā diyā

na maraz rahā na marīz hī ye ġhazab kī chāragarī rahī

na nazar ki dida-wari rahi na jigar ki be-jigari rahi

magar ahl-e-da'wa-e-shauq se teri barham-e-naz bhari rahi

kabhi jag uTha kabhi so gaya kabhi khil uTha kabhi kho gaya

dil-e-mast jam-e-jamal ko na KHabar na be-KHabari rahi

ye 'ajab hawas ka dayar hai yahan 'am ana ka KHumar hai

mujhe apne sahra se pyar hai mujhe ras dar-ba-dari rahi

na dil-o-dimagh ko hai sukun na zaman makan ko qarar hai

main safar mein hun ki hazar mein hun meri zindagi safari rahi

kahin chand jugnu parinda rut kahin rang dhup dhanak nirt

mere daur mein dil-e-muztarib ye ghazal ki shishagari rahi

yahan makr bhi hai jadal bhi hai yahan bal ke sath mein chhal bhi hai

fan-e-tesha-gar ke kamal se zan-e-hila-gar hi khari rahi

ye tabassum-e-sar-e-anjuman wo adawaton ke dilon mein phan

nae daur mein nai nasl ki yahi shan-e-dida-wari rahi

jo KHuda-shanas nahin hua kabhi KHud-shanas na ho saka

wo jo munkirin-e-KHuda hue unhen KHud se be-KHabari rahi

mere fan ke zauq-e-latif ko sanad ahl-e-zauq ki chahiye

magar aaj tak sar-e-anjuman ye talab dhari ki dhari rahi

jo the taliban-e-ilaj-e-gham unhen gahri nind sula diya

na maraz raha na mariz hi ye ghazab ki chaaragari rahi