na pawe chaal tere ki piyare ye Dhalak dariya
na paave chaal tere kī piyāre ye Dhalak dariyā
chalā jaave agarche rovtā mahshar talak dariyā
kahāñ aisā Mubakkī ho ki jaave tā-falak dariyā
nahīñ ham-chashm mere ashk kā maare hai jhuk dariyā
huā hai chashm-e-hairat dekh terī aab raftārī
kināre nahiñ rahā hai khol in donoñ palak dariyā
bhar aave āb-e-hasrat us ke muñh meñ jab lahar aave
agar dekhe tire in narm gāloñ ke thalak dariyā
nahīñ haiñ ye hubāb aate haiñ jo nazroñ meñ mardum kī
jalan mujh ashk kī siiñ dil meñ rakhtā hai phalak dariyā
agar ho koh to rele siiñ is lashkar ke chal jaave
kahāñ saktā hai mujh añjhuvāñ kī faujāñ siiñ aTak dariyā
asar karne kā nahiñ sañgīñ-dilāñ meñ rovnā hargiz
karāre saḳht haiñ be-jā rahā hai sar paTak dariyā
yaqīñ aayā kiyā jab us ke ta.iiñ paanī siiñ bhī patlā
hamāre ashk kī garmī meñ kuchh rakhtā thā shak dariyā
nahīñ mumkin hamāre dil kī ātish kā bujhā saknā
kare gar abr-e-tūfāñ-ḳhez kuuñ aa kar kumak dariyā
na hove 'ābrū' ḳhāna-ḳharābī kyuuñ ki mardum kī
kyā añjhuvāñ meñ mere ab samā siiñ tā-samak dariyā
na pawe chaal tere ki piyare ye Dhalak dariya
chala jawe agarche rowta mahshar talak dariya
kahan aisa Mubakki ho ki jawe ta-falak dariya
nahin ham-chashm mere ashk ka mare hai jhuk dariya
hua hai chashm-e-hairat dekh teri aab raftari
kinare nahin raha hai khol in donon palak dariya
bhar aawe aab-e-hasrat us ke munh mein jab lahar aawe
agar dekhe tere in narm galon ke thalak dariya
nahin hain ye hubab aate hain jo nazron mein mardum ki
jalan mujh ashk ki sin dil mein rakhta hai phalak dariya
agar ho koh to rele sin is lashkar ke chal jawe
kahan sakta hai mujh anjhuwan ki faujaan sin aTak dariya
asar karne ka nahin sangin-dilan mein rowna hargiz
karare saKHt hain be-ja raha hai sar paTak dariya
yaqin aaya kiya jab us ke tain pani sin bhi patla
hamare ashk ki garmi mein kuchh rakhta tha shak dariya
nahin mumkin hamare dil ki aatish ka bujha sakna
kare gar abr-e-tufan-KHez kun aa kar kumak dariya
na howe 'abru' KHana-KHarabi kyun ki mardum ki
kya anjhuwan mein mere ab sama sin ta-samak dariya
- Book : Deewan-e-Aabro (Pg. 63)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
